Yeh baatcheet Nikat ke Sarkari school mein bachchon(till 12th...in 2009) ke saath diwali ke purv hui thi....
Namaste! Mein aditifoundation ki taraf se aap sab se baatcheet karnee aayi hoon. Humara foundation vyakti ke sampurn vikas per yakin rakhta hai. Yeh tabhi ho sakta hai,jab hum Prem,Samman,Swabhimaanpurn jivan jiyein...aur iske liye Saksham aur samarth hona bhi aavashyak hai.Aur yeh tabhi ho sakta hai jab aap 3'P', se mukti pa sakein...yani sharirik,mansik aur manovaigyanik samasyon se.
Aaj diwali ke purv aap sabse batein kerne aai hoon.Pahle aap sab se kucch sawal pucchoongi, zor se jawab dena...Qua aab sab Diwali ki taiyaari ker chuke hein? Aakhir "Aap mein se koi batain tyohaar quon manatein hein"..."quonki yeh parampara hai".
Uss din aap sab qua kerte hein? qua khate hein? qua pite hein? Qua pahante hein?....aacha jawab hai...!!
Iss din se qua kuritiyan judi hein...(Juaa,sharab,darwaza khula rakhna, haisiyaat se aadhik gift dene ki majboori...etc)
Qua aapne kabhi inn kuritiyon ka ghar mein virodh kiya?
Jab Vyakti aur parivaar khushhaal hota hai tabhi samaj aur desh bhi khushaal hota hai. Hai na??
Qua aapne aapni mithaiyan,kapde,pathakhe,diye gareeb bachchon ke saath jaise naukar,dhobi ke bachchon vagairah ke saath baat te ho??
Qua kabhi unn Bal-mazdooron ke bareinn mein sochte ho jo padhne ke bajaye ghar chalane ke liye Patakhe banate hein aur hadase ke shikar bhi hote hein.??
Chalo! Aaj mein aapko kucch diwali ke aur bhi kisse sunati hoon!!!
Aap sab jante hein Diwali rashtriye parv hai. Yeh diyon ka tyohaar hai. Yeh burai per aachhai ka tyohaar hai. Dukh per khushiyon ke aagmaan ka tyohaar hai. Iss din bade aur aalag-aalag rahnewale parivaar ek doosre ke saath milker tyohaar manate hein. Mithaiyan aur gift dete hein. Hum ek-doosre se aapas mein unke tyohaaron ke barein mein poochte hein,saath-saath kai baar manate hein, nritya sangeet,khaan paan,poshaakon ke baare mein dekhte puchhte hein,...aur aapnate bhi hein. Issse hum aapas mein judte hein. Manvia rishton mein pragarhta aati hai. Humari paramparain mazboot hoti hain, saath hi vishwa ke doosre deshon ki sanskriti parmparaon ko janne aur samajhne ki iccha bhi jagrit hoti hai. Issi se sabhyataon ka vikaas hota hai.
Mein aapko jo kahaniyaan soonaongi voh kuch DHARM se joodi hein or kuch AITIHAASIK...
Hur kahani ke picchhe prernadayi sandesh hota hai. Yeh Dharm aur aandhvishwaas ki batein nahin aaastha aur yakin ki hai. yeh sahi hai ki kabirji ne kaha hai-"Pather puje hari mile,to mein pujoon pahar"...ya .."kankar patther jodd ke masjid liye chinaye,ta chadh mulla bang de,qua bahra hua khudaye."
Per chunki her tyohaar kisi na kisi Dharm se juda hai,Isliye mein pahle dharm ke baare mein kucch kahna chahti hoon. Aajkal Dharmik vaimnasya badh raha hai. Isliye bhi yeh janna zaroori hai. Pata hai dharm qua hai? Hindu,Muslim,Sikh,Isai...aap aissa kahoge? Nahin, yeh sab tooo Panth hai-raste hein, jinke kucch niyaam hai. Hum jisse Panth ke hain unke niyam,kayde,riti-riwaz mante hein. Vahi Parampara kahlati hai. Per Dharm kahtein hein "saddkarm ko" jo saabhi ko karna chhahiye. Jaise Badon ki seva aur aadar karna humara dharm hai. Jo bhi aachha hum kartein vah humara dharm hai.Yani Dharma humari JEEVAN PADHATI hai.
Aap ko pata hai SANSKRITI AUR SANSKAR QUA HAI??
Ram ko hum Maryadaa Purushootam kahtein hein quonki veh kafi sanskarvaan the. Humare Rastrapita Mahatma Gandhiji bhi kahte the-BHARAT MEIN RAMRAJYA CHAHIYE. Aab Gandhiji koyi dharmik neta ya aandhvishwaasi nahin the. Unke liye Ram aur Sita aadarsh the aur Ramrajya aadarsh stithi jahan bhuk,bhaye,gareebi,berozgaari yani jahaan koyi kasht na ho,hur ek ki aankhon ka aansoon ponchha ja sake aur hur ek hridey ki pidda duur kiya ja sake.To sanskriti aur sabhyata bhi kuch aissa hi hai.
SANSKRITI yaani culture, jivaan jine ki padhati ka naam hai. Hum jo sochtein hein,humara vyavhaar,humari bhavnayein,hum sabki ekta aur samanta hei.
Jabki SABHYATA hei jo humare pass hei,hum aur humara samaj hur tarah se itne varshon mein kitne paripakva/evolve hue hein... jabki SANSKRITI hei ki hum qua hei. Issliye SANSKRITI sreshth hei. SABHYATAYEIN samapt ho jatin hein.
Ek kahani hai ki humare granthon ke muthabik pahle devta aur rakhchaas yani aasur amar nahin the. Amaratva ko pane ke liye unhonne samudramanthan kiya taki amrit pa saken aur pee ker aamar ho jayein. Mrityuchakra se unhein mukti mile. Iss samudramanthan ke dauran kai deviashakti se yukt ratna vagairah niklae.Sabse daivia thi aakashganga ki putri Lakshmi.Inki paidaish Kartik ke aamavashya ke din hui. Aage chalkar issi din vishnuji se uska vivah bhi hua. Chunki yeh varsh ki sabse andheri ratri thi issliye khub diye jalaye gaye. Aab hur varsh Laxmi aur vishnu se aashirvaad pane ke liye puja ki jaati hai.Bacchon inn kahaniyon ke kahne ka matlab aandhvishwas failana nahin hai. Isska aaarth hai ki humare aander jo daivia shakti aur aasuri shaktiyon ke beeche takrao hota hai too humein aatmnmanthan karna chahiye jissse anekon gyaan-vivek ropee ratna humein milenge aur aander ka andhekar duur hoga. Hum saab saahi raste per chaalenge too laxmi ki bhi prapti hogi aur vishnu ke shakti ki bhi.Yani aap prem,gyaan,shakti aur dhaan se sampann honge.
सदस्यता लें
टिप्पणियाँ भेजें (Atom)
कोई टिप्पणी नहीं:
एक टिप्पणी भेजें